ما هو سر جنون زوجى بى
فى البداية قبل أن أتزوج عمى قال لى نصيحة ((( يا بنتى بالكبر و العند هتخسرى جوزك عشان كده لازم تكسبية المسكنة و التحبب إليه )))
و أنا عملت زى ما عمى قالى و أدت نصيحته بعين الإعتبار و إعتبرت أن زواجى هو قضيتى (( أكون أو لا أكون ))
إما أكون زوجة الناس تضرب بيها المثل أو إما لأ و أنا قررت إنى أكون زوجة ينضرب بيها المثل و الحمد لله . و فعلا حققت إللى كنت بتمناه .
...🧡...🧡...🧡...🧡...🧡...
أخواتى الأعزاء لازم تفهموا كويس جدا ان الرجل مخلوق بيحب الحرية اوى و إن ضغتطى عليه فى كل شئ ؛ زى مثلا عواطفك و مشاعرك و ان تدخليه فى كل شئ يخص خصوصياتك هتلاقيه زهق منك هتلاقيه لما تتكلمى معاه بدأ يبعد عنك علشان ميسمعش منك حاجة ‘ و رغم كده برضه لو طنشتيه هتلاقيه زهق منك .
عشان كده بقولك لازم يكون فيه إعتدال و وسطية فى كل شئ بتعمليه متبالغيش قوى و تخنقيه و متطنشيش قوى و تزهقيه ‘ لابد يكون فيه إعتدال و وسطيه فى تقديم مشاعرك له .
مثلا
..🧡...🧡...🧡...🧡...🧡...
إن جوزك سكت إحترمى سكوته و خليكى عارفة إنه ساكت علشان معندوش حاجة يقولها مش علشان هو بيكرهك مبيحبش يتكلم معاكى
يا حبيبتى انتى هتمرى بأوقات كتير هتحسى فيها ان جوزك مطنشك يعنى بيخرج مع أصحابه كتير و مبقاش يعقد معاكى زى زمان و مبقاش يقولك كلام حلو ى الأول و انتى هتخدى كل الحاجات دى على إن شخصيته إتغريت معاكى لكن بالعكس الموضوع مش كده خالص ‘ الموضوع زى ما قرأت فى علم النفس إن دى ( دورة عاطفية ) بيمر بيها الرجل كل فترة و فترة علشان يجدد مشاعره ‘ و لو معملش كده هيختنق من الحب ‘ و كل رجل بيمر بالفترة دى مش جوزك لوحده .
علشان كده لما جوزك يمر بالفترة دى متفرضيش نفسك عليه و مش تحسسيه إنك زعلانة من أفعاله وتكلميه بطريقة مش كويسة و تفضلى تزنى عليه و تقوليله انت رايح فين و جاى منين و تلاقيه قفش معاكى و زعل منك هو الموضوع أساسا مش مستاهل إنك تكبريه هو بس عايز يغير جو سبيه براحته و انتى بعد كده هتلاقيه رجع لطبيعته من نفسه .
و لو انتى عملتى كده هتكبرى فى نظره قوى و هيحبك اكتر و يقدرك اكتر و اكتر لانه فى الفترة دى بيكون عامل زى إللى بيشحن طاقة جديدة ( طاقة حب و مشاعر جديدة ) بيجددها علشان ييشوفك بصورة جديدة ‘ بصورة ضد الملل .
و لازم تحسسى جوزك انك مش جسد و بس ‘ لأ إنتى إنسانة لكى عقل و فكر ‘ إذا إتكلم عن السياسة حسسيه إنك فاهماه و تناقشى معاه
و إذا إتكلم عن الواقع إتكلمى معاه و تجاوبى معاه فى الكلام ‘ و غيره و غيره من المواضيع إللى تحسسى فيها جوزك إنك مثقفة و فاهمة فى كل شئ . التثقيف مهم لجوزك و لأولادك و مهم لكى انتى علشان تكونى ملكة فى بيتك .
و الرجل زى الطفل كلمة توديه و كلمة تجيبه ‘ يعنى اعتبرى جوزك طفل كبير . غرقيه بالكلام الجميل و بلمساتك اللذيذة و حسسيه ان هو اهم إنسان فى حياتك و انك و لا شئ من غيره و انك انتى طفلته إللى بيراعيها ‘ و متعنديش معاه و تعملى نفسك أك أنتى الأفهم و الأعقل و انه هو و لا شئ لانك انتى كده هتخلى جوزك يحس انه صغير فى نظرك فبكده هيضطر انه يدور على واحدة تانية يكون كبير فى نظرها .
و لازم تعرفى و تتأكدى إن أهم شئ عند الرجل إنه لازم يحس أنه هو الأول و الأخير و إنه كبير جدا فى نظر مراته .
جننيه بضحكاتك الرققة و بالمداعبة ‘ حاولى بين كل فترة و التانية إنكم تتكلموا فى حاجات متكلمتوش فيها قبل كده و تقتحوا قلبكم لبعض ‘ و اعمليله مساج و إبدأى بأديه دلكى له إيديه الاول و بعدين دليكيله ضهره و حاولى تكونى خفيفة و ناعمة عليه ‘و هيحس بإسترخاء و متعة فظيعة و ساعتها هتعرفى أسرار عمرك ما عرفتيها قبل كده من جوزك .
و اذا كان جوزك جدى فى الكلام ‘ إعرفيله انتى بقه و مفضليش تضحكى و تكركرى على الفاضى لإن ده عكس شخصييته خليكى رزينة و عاقلة زى شخصيته ‘ و وقت الهزار إتحولى إلى طفلة و إلعبى فى أى حاجة إنتى عايزاها ههههههههههه .
المهم إن لو جوزك شخصيته جادة خليكى عارفة له و قت الجد جد و وقت الهزاز هزاز لإن الشخصية دى مبتحبش الهزار على الفاضى و المليان .
و لازم تحسسيه على طول انه هو اهم راجل فى الدنيا عندك ‘ و ان هو بيقدر يمتعك جنسيا ‘ و انه اول ما بيلمسك بتدوبى على طول
و قوليله يا حبيبى انت فيك سحر و لا إيه أول ما بتلمسنى جسمى كله بيسيب فى بعضه ليه ساعة ما بتلمسنى جسمى كه بيسيب .
قوليله الكلمتين دول و شوفى انتى بنفسك رده فعله هتكون عاملة إزاى ساعتها هيدور على الحاجة إللى بتبسطك و هيعملهالك .
و أثناء العلاقة خليكى نااار لإن الإحساس ده الرجل بيعشه و خليه مبسوط أوى لإنه شايفك مبسوطة و متمتعة معاه .
و فيه بعض الستات هيقولوا هو كل شئ عليا انا و هو انا إللى لازم اسعدوا ليه هو ميسعدنيش ؟
يا حبيبتى لازم تفهمى ان الرجل اغلب تصرفاته ردود فعل ‘ يعنى لو لعبتى معاه دور حواء و ريحتيه فى عيشته هيعيشك عيشة كويسة و هيخليكى و لا ملكة زمانك ‘ هيخليكى أسعد واحدة فى الدنيا و ساعتها هيتغاضى عن كل عيوبك .
آسفة جدا جدا انى طولت عليكم بس حبيت انى اعرفكم الكلمتين دول يمكن تستفيدوا بيهم فى حياتكم .
و اتمنالكم حياة زوجية سعيدة
ولو حابين تنضموا لإسرة إنجى إعملوا متابعة للموقع علشان تشوفوا كل منشوراتى .
مساء الخير يا ست الكل موضوع جميل ومفيد جداً جداً لكل الستات علشان لو كل سيت عملت كده يبقي مفيش فرق ولا خيانه خالص كل ست مفكرة نفسها هي الي مطحونه وهي الي مغلوبه علي أمرها انما لو فكرت زيك يبقي مفيش خراب بيوت نصيحه محترمه يجب الشكر عليها يا دكتوره حوار محترم جدا والقادم احلي وممتع معاكي يا احلي دكتوره ومتنسيش موضوع عن الكلام الاباحي اثناء العلاقه من الزوج والعكس من الزوجه وشكرا ليكي احسنتي
ردحذفصباح الخير يا ست الكل كل فيديوهات وكل موضوعات المدونه حاجه حلوه خالص وياريت كل فيديو اتعمل ياريت ينزل الموضوع في المدونه بالطريقه العاميه والشرح المفصل بالعاميه وذكر الأعضاء باسماءها العاميه وانا بقطرح عليكي اقطرح ممكن تعمليه يكون اجمل واحلي وكده ارتباط القناه بالمدينه ها يبقي قوي جدا وشكرا ليكي يا غاليه تسلمي
ردحذف